आश्विन शुक्ल नवमीका अवसरमा राष्ट्रपति पौडेलद्वारा कन्या पूजा

काठमाडौं – राष्ट्रपति रामचन्द्र पौडेलले आश्विन शुक्ल नवमीका अवसरमा राष्ट्रपति भवनमा आज नौ जना कन्याको पूजा गरेका छन् ।

राष्ट्रपतिको सचिवालयका अनुसार नक्सालस्थित बाल मन्दिरमा आश्रय लिएका कन्याको राष्ट्रपति पौडेलले पूजा गरेका हुन् ।

प्रत्येक वर्ष महानवमीका दिन राष्ट्रप्रमुखले नौ जना कन्याको पूजा गर्ने प्रचलन छ ।