डा.सञ्जय खड्गी कोलकातामा आयोजित बंगाल युरोलोजिकल सोसाइटी सम्मेलनमा अन्तर्राष्ट्रिय फ्याकल्टीका रूपमा सम्मानित

उक्त शैक्षिक कार्यक्रममा डा.खड्गीले अन्तर्राष्ट्रिय फ्याकल्टीका रूपमा सहभागिता जनाउँदै विशेषज्ञहरूसँग ज्ञान र अनुभव आदानप्रदान गरेका हुन्। कार्यक्रममा सहभागी हुन पाउनु आफ्नो लागि सम्मान र विशेष अवसर भएको उल्लेख गर्दै उनले निमन्त्रणा र न्यानो आतिथ्यका लागि प्रोफेसर सन्दीप गुप्ताप्रति हार्दिक आभार व्यक्त गरेका छन्।

डा. खड्गीले यस्तो उच्चस्तरीय शैक्षिक कार्यक्रममा सहभागी हुनुले नेपाल र भारतबीच युरोलोजी क्षेत्रमा शैक्षिक तथा व्यावसायिक सहकार्यलाई थप मजबुत बनाउनुका साथै नेपाली चिकित्सकहरूको अन्तर्राष्ट्रिय पहिचान अझ सुदृढ हुने विश्वास व्यक्त गरेका छन्।