माइतीघर मण्डलाको निषेधाज्ञा उचित समयमा तोडिनेछ : प्रवक्ता शर्मा

काठमाडौँ– नेपाली कांग्रेसका प्रवक्ता विश्वप्रकाश शर्माले काठमाडौँको माइतीघर मण्डलामा विरोध प्रदर्शन गर्न नपाउने सरकारको निर्णयको विरोध गरेका छन् । उनले सिंहदरबारको नजिकै रहेको मण्डलामा प्रदर्शन गर्न नपाउने सरकारको निर्णयमा खोट रहेको बताएका हुन् ।

अमेरिका, जापान लगायतका देशमा सरकारको नाकै अगाडि विरोध गर्न पाउने भन्दै उनले उत्तर कोरियाको जस्तो शासन नलाद्न सरकारलाई स्मरण गराएका छन् ।

प्रवक्त शर्माले ट्वीट गर्दै भनेका छन्, ‘अमेरिकामा ह्वाइटहाउस सामुन्ने, स्विटजरल्याण्ड वा जापानमा सरकारको नाकै अघि विरोध प्रदर्शन गर्न पाइन्छ । तर, सिंहदरबार नजिक माइतीघर मण्डलामा समेत प्रदर्शनमा रोक लगाउने सरकारलाई स्मरण गराउंछु यो उत्तर कोरिया होइन नेपाल हो ।’
साथै सरकारको यो निर्णय उचित समयमा तोडिने उनले बताएका छन् । प्रदर्शनस्थलको रुपमा परिचित माइतीघर मण्डलामा प्रदर्शन गर्न नपाइने भनी जिल्ला प्रशासन कार्यालयले सूचना प्रकाशित गरेको थियो ।

`निषेधाज्ञा´ उचित समयमा तोडिनेछ !

अमेरिकामा ह्वाइटहाउस सामुन्ने, स्विजर्लेण्ड या जापानमा सरकारको नाकै अघि विरोध प्रदर्शन गर्न पाइन्छ l तर सिंहदरबार नजिक माइतीघर मण्डलामा समेत प्रदर्शनमा रोक लगाउने सरकारलाई स्मरण गराउंछु यो उत्तर कोरिया होइन नेपाल हो !

निर्णयको नियतमा खोट छ !! pic.twitter.com/RrAd5YlebY

— Bishwa Prakash शर्मा (@bishwaprakash77) June 28, 2018