पत्रकार सम्मेलन गरेर डा. केसीले भने, ‘नैतिकताबाट च्यूत भएका प्रधानमन्त्रीले राजीनामा दिनुपर्छ’

काठमाडौँ– संसदमा राष्ट्रिय चिकित्सा शिक्षा विधेयक पारित भएपछि १७ दिनदेखि अनसनरत डा गोविन्द केसीले प्रधानमन्त्रीको राजीनामा माग गरेका छन् ।

महाराजगञ्जस्थित त्रिवी शिक्षण अस्पतालमा पत्रकार सम्मेलन गर्दै डा केसीले प्रधानमन्त्री नैतिकताबाट च्यूत भएको भन्दै राजीनामा माग गरेका हुन् । उनले भने, ‘आफ्नै निर्णयबाट विचलित भएकाले उहाँले नैतिकताका आधारमा राजीनामा दिनुपर्छ ।’

आफ्नो सम्झौताविपरीतका प्रावधान घुसाएर विधेयक ल्याइएको भन्दै उनले जनतामाथि नै धोका भएको आरोप लगाए ।

समन्धित समाचार :
काँग्रेसको नाराबाजीकै बीच सत्तापक्षले बहुचर्चित चिकित्सा विधेयक पास गर्यो

अधिनायकवादी शैलीमा विधेयक पारित भयो, सडक र सदनबाट आन्दोलन गर्छौँ : देउवा

‘कांग्रेसलाई जसले जिस्कायो, त्यो सक्किएको छ, ईतिहास फेरी दोहोरिन्छ’ : गगन थापा

योगेश भन्छन् : ‘गोविन्द केसीको जित भयो, उत्सव मनाउन अब अनसन तोड्नुहोस्’

सरकार आफैंले गठन गरेको आयोगले दिएको सिफारिस र १५ औं सत्याग्रहपछि भएको सम्झौता तोडेर सरकारले विधेयक पास गराएको विज्ञप्तिमा उल्लेख छ। साथै चिकित्सक सेवाबाहेकका अन्य ६ वटा माग पूरा गर्न ध्यानाकर्षण गराउने पनि लेखिएको छ।