मेलम्चीको पाइपलाइन सफा गर्दा दुई मजदुरको मुत्यु

काठमाडौँ – मेलम्ची खानेपानी आयोजनाको पाइप सफा गर्ने क्रममा दुई जना मजदुरको मृत्यु भएको छ । काठमाडौं–१६, बालाजु चोकमा पाइपलाइनमा काम गर्दा पुरिएर घाइते भएका उनीहरुको उपचारका क्रममा मृत्यु भएको हो ।

सप्तरी कनकपट्टीका २५ वर्षीय सुरेश साह र २० वर्षीय शिवकान्त साहको उपचारका क्रममा त्रिवि शिक्षण अस्पताल महाराजगञ्जमा मृत्यु भएको महानगरीय प्रहरी परिसर काठमाडौंका प्रहरी उपरीक्षक अशोक सिंहले जानकारी दिए।

सहोदर दाजुभाइ दुवैलाई चिन्ताजनक अवस्थामा बिहान साढे १० बजे उद्धार गरिएको थियो।