Author: Himalaya Post

काठमाडौं – बागमती प्रदेश सरकारमा राष्ट्रिय प्रजातन्त्र पार्टी राप्रपा सहभागी भएपछि पार्टीभित्रको आन्तरिक विवाद चर्किएको छ। पार्टीको अघिल्लो केन्द्रीय कार्यसम्पादन समिति बैठकले सत्ताको खेलमा नलाग्ने निर्णय गरेको भए पनि सोही निर्णयविपरीत राप्रपा बागमती प्रदेश सरकारमा सहभागी भएको विषयलाई लिएर नेताहरूबीच आरोप–प्रत्यारोप सुरु भएको हो। पार्टीभित्र बागमती प्रदेशको सत्ता समीकरण र सरकारमा सहभागिताको पृष्ठभूमिमा राप्रपाका पूर्वअध्यक्ष कमल थापाको भूमिका रहेको आरोप लगाइएको छ। केही नेताहरूले पार्टीको केन्द्रीय नीति र निर्णयविपरीत प्रदेश सरकारमा सहभागिता गराउन थापाले पर्दापछाडिबाट भूमिका खेलेको आरोप लगाएका छन्। आलोचक नेताहरूका अनुसार, प्रदेशसभा सदस्यहरू अगाडि देखिए पनि बागमतीको सत्ता चलखेलमा कमल थापाको डिजाइन रहेको थियो। विगतमा नेकपा एमालेका...

काठमाडौं – संघीय संसद अन्तर्गतको संसदीय सुनुवाई समितिले सुरक्षासँग सम्बन्धित प्राप्त उजुरीलाई सम्बन्धित मन्त्रालयमा पठाउने निर्णय गरेको छ । सिंहदरबारमा शुक्रबार बसेको समिति बैठकले सुरक्षासँग सम्बन्धित प्राप्त उजुरीमाथि छलफल गर्ने समितिको कार्यक्षेत्र नभएकाले आवश्यक कारबाहीका लागि सचिवालयमार्फत सम्बन्धित मन्त्रालयमा पठाउने निर्णय भएको सभापति बोध नारायण श्रेष्ठले जानकारी दिए । साथै सूचना मागका सम्बन्धमा मागिएका विषयहरूको जानकारी समितिका तर्फबाट लिखित रूपमा यसअघि नै उपलब्ध गराइसकिएको र थप विवरण आवश्यक परेमा नियमानुसार उपलब्ध गराउन सचिवालयलाई निर्देशन दिइएको उहाले बताए । उनले कुनै व्यक्ति विशेषले बोलेको कुरा छुट्टै व्यक्तिगत नोट बनाएर दिने वा सिफारिस गर्ने विगतको अभ्यास नरहेको उल्लेख गरे । बैठकका...

काठमाडौं – बाराको जीतपुरसिमरा उपमहानगरपालिका–१ की तीन वर्षीया गरिमा चौधरीको बलात्कारपछि हत्या भएको घटनामा दोषीलाई कारबाही र पीडित परिवारलाई न्यायको माग गर्दै काठमाडौंमा प्रदर्शन गरिएको छ। अधिकारकर्मी तथा गरिमाका आफन्तहरूले माइतीघर क्षेत्रमा प्रदर्शन गर्दै घटनाको निष्पक्ष छानबिन र दोषीमाथि कडा कारबाहीको माग गरेका हुन्। प्रदर्शनकारीहरूले ‘गरिमालाई न्याय दे’ लगायतका नारासहितका प्लेकार्ड बोकेका थिए। गरिमाको न्यायका लागि उनका परिवारले बारामा पनि निरन्तर आन्दोलन गरिरहेका छन्। आमा–बुवासहित परिवारजन सडकमा धर्नामा बसेपछि वीरगञ्ज–पथलैया सडकखण्ड तेस्रो दिन पनि प्रभावित भएको छ। स्थानीय प्रशासन र केही व्यक्तिबीच बिहीबार राति सहमति भए पनि मृतक परिवारले आफूहरूको जानकारी र सहमतिबिना गरिएको भन्दै उक्त सहमति अस्वीकार गरेका...

काठमाडौं । प्रधानमन्त्री वालेन्द्र शाह (बालेन) शुक्रबार बिहान सडकमार्ग हुँदै मुस्ताङतर्फ प्रस्थान गरेका छन्। उनको मुस्ताङ भ्रमणलाई लिएर विभिन्न चर्चा भइरहेका बेला राष्ट्रिय प्रजातन्त्र पार्टी (राप्रपा) का संसदीय दलका नेता ज्ञानेन्द्र शाहीले भने यो निजी भ्रमण भएको बताएका छन्। शाहीका अनुसार प्रधानमन्त्री बालेन मुस्ताङस्थित खम्पा गुम्बा दर्शनका लागि गएका हुन्। सामाजिक सञ्जालमार्फत धारणा सार्वजनिक गर्दै उनले प्रधानमन्त्रीको निजी भ्रमणलाई अनावश्यक रूपमा राजनीतिक विषय नबनाउन आग्रह गरेका छन्। शाहीले निजी भ्रमणका क्रममा ठूलो संख्यामा सुरक्षाकर्मीको लावालस्कर आवश्यक नरहेको समेत टिप्पणी गरेका छन्। प्रधानमन्त्रीलाई केही समय निजी जीवनमा स्वतन्त्र रूपमा हिँडडुल गर्न दिनुपर्ने उनको भनाइ छ। उनले हरेक विषयलाई राजनीतिक रंग...