Author: Himalaya Post

काठमाडौं – प्रधानमन्त्री बालेन्द्र शाहले अर्थतन्त्रमा देखिएका चुनौती समाधान गर्न निजी क्षेत्रसंगको सहकार्यलाई थप प्रभावकारी बनाउने बताएका छन् । शुक्रबार सिंहदरबारमा उद्यमी तथा व्यवसायीहरूसँग छलफल गर्दै लगानी तथा व्यवसाय विस्तारका लागि अनुकूल वातावरण निर्माण गर्न सरकार प्रतिवद्ध रहेको समेत बताए । सो क्रममा प्रधानमन्त्री शाहले उद्योग–व्यवसाय सञ्चालनका क्रममा निजी क्षेत्रले भोगिरहेका समस्याका बारेमा जानकारी लिएको छलफलमा सहभागी रास्वपा सांसद विदुषी राणाले जानकारी दिईन् । नेपालमा स्वदेशका व्यवसायीहरूले र त्यसपछि गैरआवासीय नेपाली लगानी गर्नुपर्ने भन्दै प्रधानमन्त्री शाहले बाह्य विदेशी लगानी तेस्रो प्राथमिकतामा रहने बताएको सांसद राणाले बताएकी छिन् । व्यवसायीहरुले नेपाली व्यवसायीहरू ठूला पूर्वाधार निर्माणमा सक्षम रहेको र त्यसका लागि...

काठमाडौं – नेपाली कम्युनिष्ट पार्टी (नेकपा) का सांसद युवराज दुलालले सरकारले इलेक्ट्रोनिक गभर्मेन्ट प्रोक्योरमेन्ट प्रणाली बन्द गरेको भन्दै विरोध जनाएका छन् । शुक्रबार प्रतिनिधिसभा बैठकमा सांसद दुलाले सार्वजनिक खरिद प्रक्रियालाई पारदर्शी, जवाफदेही र प्रतिस्पर्धी बनाउन २०७० सालदेखि लागू गरिएको इलेक्ट्रोनिक गभर्मेन्ट प्रोक्योरमेन्ट प्रणाली १३ वर्षपछि सरकारले बन्द गरेको भन्दै विरोध जनाएका हुन्। साउन, भदौ, असोज र कात्तिक महिना सरकारको मुख्य ठेक्कापट्टा लगाउने समय भए पनि प्रणाली बन्द हुँदा प्रक्रिया रोकिएको उनले बताएका छन् । सांसद दुलालले उक्त प्रणाली बन्द हुँदा केन्द्र सरकारका सयौँ कार्यालय, ७५३ वटै स्थानीय तह र सातै प्रदेश मातहतका कार्यालयहरूबाट हुने ठेक्का प्रक्रिया पूर्ण रूपमा प्रभावित...

काठमाडौं – स्वास्थ्यमन्त्री निशा मेहताले राजविराजस्थित गजेन्द्रनारायण सिंह सगरमाथा अस्पतालले भर्ना नलिएपछि स्थानीय एक महिलाले फुटपाथमै बच्चा जन्माएको घटनाको छानविन गर्न छानबिन टोली गठन गरि परिचालन गरिसकिएको जानकारी दिएका छन् । सिंहदरबारमा शुक्रबार बसेको प्रतिनिधिसभा अन्तर्गतको शिक्षा समिति बैठकमा मन्त्री मेहताले घटना सार्वजनिक हुनेबित्तिकै नेपाल मेडिकल काउन्सिलका रजिस्ट्रारको नेतृत्वमा ५ सदस्यीय ’एथिकल कमिटी’ र मन्त्रालयको ११औँ तहका क्युरेटिभ डिभिजन प्रमुख डा. पवन रायमाझी सम्मिलित संयुक्त टोली गठन गरिएको जानकारी दिएकी छिन् । उक्त छानबिन टोलीलाई तत्काल सत्यतथ्य पत्ता लगाउन राजविराज पठाइएको र टोलीले त्यहाँ जाँचबुझ गरिरहेको उनले बताएकी छिन् । मन्त्री मेहताले स्वास्थ्यकर्मी, अस्पताल प्रशासन, नर्सिङ वा पारामेडिक्स जोसुकैको...

काठमाडौं- पछिल्लो समय आएको भीषण बाढीका कारण कृष्णभीरको बाटो कटान भई राजधानी जोड्ने सडक अवरुद्ध हुँदा उपत्यकामा ग्यास आपूर्ति प्रणालीमा समस्या देखिएको भन्दै ग्यास बिक्रेता महासंघ नेपालले गम्भीर ध्यानाकर्षण जनाएको छ। महासंघले विषम परिस्थितिमा आम उपभोक्तालाई अत्यावश्यक वस्तुका रूपमा रहेको खाना पकाउने ग्यास सहज रूपमा उपलब्ध गराउनु सरकार, ग्यास उद्योगी तथा बिक्रेताहरूको मुख्य दायित्व भएको जनाएको छ। आपूर्ति प्रणाली सुचारु राख्न सबै पक्षले हरसम्भव प्रयास गर्नुपर्ने महासंघको भनाइ छ। महासंघले कठिन परिस्थितिको फाइदा उठाउँदै उपभोक्तालाई अनुचित मूल्य लिई खाना पकाउने ग्याससहित अन्य उपभोग्य वस्तु बिक्री नगर्न व्यवसायीहरूलाई आग्रह गरेको छ। आम बिक्रेतालाई प्राप्त भएको ग्यास वास्तविक समस्यामा परेका उपभोक्तालाई...