Author: Himalaya Post

काठमाडौँ – सत्ताको बलमिच्याई र सहकारी ठगीविरुद्ध भन्दै नेपाली कांग्रेसले काठमाडौंमा विरोध प्रदर्शन गरेको छ । सहकारी प्रकरणमा संसदीय छानविन समिति गठनको माग गर्दै सदनमा निरन्तर विरोध गर्दै आएको कांग्रेसले आइतबार काठमाडौंमा सडक प्रदर्शन गरेको हो । कांग्रेसले सहकारी प्रकरणमा गृहमन्त्रीलाई राज्य संयन्त्रले बचाउने काम गरेको, प्रतिशोधकै कारण कैलाश सिरोहीयालाई प्रक्राउ गरेको लगायतका विषयलाई लिएर प्रदर्शन गरेको हो । प्रदर्शनपछि आयोजित विरोध सभामा कांग्रेस नेताहरुले सहकारी बचत अपचलन गर्नेहरुलाई कारबाही हुनुपर्ने भन्दै उनीहरुलाई बचाउन खोजे शसक्त आन्दोलन गर्ने चेतावनी दिएका थिए । कांग्रेस महामन्त्री विश्वप्रकाश शर्माले अहिलको प्रदर्शन सानो तयारी र सांकेतिक विरोधमात्रै भएको बताए । उनले सरकारमा रहेका दलहरु नै साना दलहरुलाई फुटाउने काम गरेको आरोप लगाए । शर्माले सरकारको हर्कतको विपक्षमा सडकमा आएर जनतालाई सुसुचित गराउन खोजेको बताए । भ्रष्टाचार प्रकरणलाई ढाकछोप गर्न संगठित अपराधजस्तो प्रवृति प्रस्तुत हुन थालेको उनले बताए । उनले केपी ओलीले सहकारी प्रकरणमा मुछिएका गृहमन्त्रीलाई बचाउन लागिपरेको टिप्पणी गरे । एउटाले सहकारी र अर्कोले गिरिबन्धुलाई मिलाइराख्ने प्रयास गरेको भन्दै शर्माले अहिलको गठबन्धनलाई सहकारीबन्धु गठबन्धनको संज्ञा दिए । संसदमा सभामुख नजिक बस्ने व्यक्तिको दुइवटा नागरिकता रहेको प्रसंग आएको, गृहमन्त्रीको दुईवटा राहदानीको तथ्य हुँदाहुँदै कैलाश सिरोहियालाई कार्यकक्षबाट पक्राउ गर्ने कामले राज्यको दोहोरो चरित्र देखिएको उनले बताए । उनले नदेखिएका धेरै पात्रहरुहरुले सहकारी ठगि गरेको भन्दै एमालेले सबैलाई बचाउने प्रयास गरेको अरोप लगाए । शर्माले सहकारीबन्धु गठबन्धनमा प्रधानमन्त्रीको अस्तीत्व नदेखिएको र गृहमन्त्रीको वक्तव्यको खण्डन गरेर बसेको तर्क गरे । उनले गृहमन्त्रीले कांग्रेस नेताहरुमाथि लगाएको आरोपको छानविन...

काठमाठडौँ – सिटिजन्स बैंक इन्टरनेसनल लिमिटेड र जनकपुरधाम, धनुषा स्थित काभ्या हस्पिटल प्रा.लि.बीच सिटिजन्स बैंकका ग्राहकहरूलाई विशेष छुट दिने समझदारीपत्रमा हस्ताक्षर भएको छ । सो समझदारीपत्रमा हस्ताक्षर पश्चात् सिटिजन्स बैंकका कार्डबाहक र मोबाइल बैंकिङ्ग ग्राहकहरूले काभ्या हस्पिटलका सेवाहरुमा २५ प्रतिशतसम्मको आकर्षक छुट पाउनेछन् । यस किसिमको सहकार्यबाट बैंकका ग्राहकहरु लाभान्वित हुनुका साथै नगद कारोबारबाट डिजिटल कारोबार तर्फ उत्प्रेरित हुने विश्वास बैंकले लिएको छ । बैंकले डिजिटल बैंकिङ्ग माध्यमहरुको प्रयोगलाई बढाउन र ग्राहकहरुलाई डिजिटल माध्यमबाट भुक्तानी गर्न प्रोत्साहन गर्न समय समयमा ग्राहकमैत्री सुविधाहरु सञ्चालनमा ल्याउँदै आएको छ । डिजिटल कारोबार गर्दा पाइने छुट सम्बन्धी विस्तृत विवरणहरू सिटिजन्स बैंकको वेबसाइटमा प्राप्त गर्न सकिनेछ । सिटिजन्स बैंक इन्टरनेसनल लिमिटेडले देशैभरि रहेका आफ्ना १९० वटा शाखा, १५३ वटा एटीएम र ९८ वटा शाखा रहित बैंकिङ्ग ईकाईहरुबाट १७ लाख ४२ हजार ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ । हाल ५५ जिल्लामा आफ्नो सेवा प्रदान गर्दै आएको सिटिजन्स बैंक इन्टरनेसनल लिमिटेडले यसै आर्थिक वर्ष थप ७ शाखाहरु विस्तार गरेर आगामी दिनमा देशको ६० वटा जिल्लामा सेवा प्रदान गर्नेछ...

काठमाडौँ – नेकपा एमालेका प्रमुख सचेतक महेश बर्तौलाले कांग्रेस सहमतिको बाधक बनिरहेको आरोप लगाएका छन् । आइतबार संसद भवन नयाँ बानेश्वरमा सञ्चारकर्मीसंग कुरा गर्दै बर्तौलाले संसदीय छानविन समिति गठनका विषयमा लचक भएर सत्तापक्षले छलफल गर्दा पनि कांग्रेसले अडान नछाडेको र सहमतिको बाधक बनिरहेको आरोप लगाएका हुन् । उनले अधिकतम लचक भएर कांग्रेसले भनेका विषयलाई सम्बोधन गर्न खोजे पनि कांग्रेसले एकपछि अर्को माग लिएर प्रस्तुत भएको बताए । सहमतिको नजिक पुगेको काम शुन्यमा पुराउने काम कांग्रेसबाट भएको उनको भनाइ छ । बर्तौलाले कांग्रेसले निरन्तर संसदमा बबण्डर गर्नु औचित्यहीन काम भएको धारणा राखे । त्यस्तै कांग्रेस सहमहामन्त्री जीवन परियारले सहमतिका लागि कांग्रेसले तयार पारेको प्रस्तावमाथि सत्तापक्ष सहमत नभएको बताए । उनले गोर्खा मिडियामा विभिन्न सहकारीको रकम अपचलन भएको सो मुद्दामा रवि लामिछाने संलग्न भएको कांग्रेसको धारणाप्रति पटक पटक छलफल भएपनि निष्कर्ष निस्कन नसकेको उल्लेख गरे । कार्यदलमा भएको छलफलमा लामिछानेको नाम राख्न सत्तापक्षले अस्वीकार गरेको र सत्तापक्षले एकपछि अर्को शब्दावलीमा नयाँ अडान राखेको उनले आरोप लगाए । परियारले संसदीय छानविन समितिको कार्यादेशमा लामिछानेको नाम उल्लेख नभएसम्म कांग्रेस पछि नहट्ने जिकिर गरे । त्यस्तै माओवादी केन्द्रका नेता देवेन्द्र पौडेलले जेठ १५ गतेसम्म सहमतिको प्रयास गरिने बताए । उनले प्रतिपक्षीले उठाएका सवै मागप्रति सरकार सकारात्मक रहेपनि अडान नछाडेको आरोप लगाए । उनले गृहमन्त्रीको बिषयका साथै सवै सहकारी पिडितहरुको न्याय हुने गरि संसदीय छानविन समिति बनाउन सरकार तयार रहेको बताए...

काठमाडौँ – ‘नेपाल–भारत विकास सहकार्य’ अन्तर्गत भारतीय सरकारले १.७६ करोड नेपाली रुपैयाँको आर्थिक सहयोगमा दाङको लमही नगरपालिकास्थित श्री बाल जनता माध्यमिक विद्यालयको विद्यालयको निर्माण सम्पन्न गरेको छ । उक्त भवनको आज लुम्बिनी प्रदेशका सामाजिक विकास मन्त्री रत्न बहादुर खत्री, जिल्ला समन्वय समितिका प्रमुख नित्यानन्द शर्मा, लमही नगरपालिकाका मेयर जोगराज चौधरी र भारतीय राजदूतावास, काठमाडौंका प्रथम सचिव अविनाश कुमार सिंहले संयुक्त रुपमा उद्घाटन गरेका हुन् । त्यस्तै ‘नेपाल–भारत विकास सहकार्य’ अन्तर्गत भारत सरकारको नेरु. २.८७ करोड आर्थिक सहयोगमा निर्माण गरिएको दाङको घोराही उप–महानगरपालिकास्थित श्री पद्मोदय पब्लिक नमुना माध्यमिक विद्यालयको विद्यालय भवनको पनि उद्घाटन गरिएको छ । उक्त कार्यक्रममा राजनीतिक प्रतिनिधि, सरकारी अधिकारी, समाजसेवी, विद्यालय व्यवस्थापनका प्रतिनिधि, शिक्षकरशिक्षिका, अभिभावक तथा विद्यार्थीहरुको पनि उपस्थिति रहेको थियो । ‘नेपाल–भारत विकास सहकार्य’ अन्तर्गतको भारत सरकारको अनुदान सहयोग लमही नगरपालिकास्थित श्री बाल जनता माध्यमिक विद्यालयलाई आवश्यक अन्य सुविधासँगै प्रयोगशाला, प्रयोगशाला उपकरण, फर्निचर र दुई तल्ले विद्यालय भवनको निर्माणमा उपयोग गरिएको थियो । त्यसैगरी भारत सरकारको आर्थिक सहयोग दाङको घोराही उप–महानगरपालिकास्थित श्री पद्मोदय पब्लिक नमुना माध्यमिक विद्यालयलाई आवश्यक पर्ने अन्य सुविधासँगै दुई तल्ले विद्यालय भवनको निर्माणमा उपयोग गरिएको थियो । भारत सरकार र नेपाल सरकारबीच भएको सम्झौता अन्तर्गत यी परियोजनालाई उच्च प्रभाव सामुदायिक विकास परियोजनाको रुपमा अघि बढाइएको थियो । जिल्ला समन्वय समिति, दाङमार्फत यी परियोजनाको कार्यान्वयन गरिएको थियो । कार्यक्रममा बोल्दै लुम्बिनी प्रदेशका माननीय मन्त्री, जिल्ला समन्वय समितिका प्रमुख, दाङका उप–महानगरपालिकाका मेयर र लमही नगरपालिकाका मेयरले प्राथमिकताका क्षेत्रमा भारत सरकारले पुर्याउदै आएको निरन्तर विकास सहयोगको...