आफैं पीडित हुँदाहुँदै यातायात ब्यवशायीहरूकाे ४ लाख बढी सहयाेग, अध्यक्ष सिटाैला मार्फत प्रधानमन्त्री काेषमा जम्मा !

उक्त रकम नेपाल यातायात व्यवसायी राष्ट्रिय महासंघमार्फत प्रधानमन्त्री दैवी प्रकोप उद्धार कोषमा जम्मा गरिने जानकारी महासंघका सचिवले दिएका छन् ।

त्रिशिद्धेश्वरी यातायात सेवा प्रा.लि.का अध्यक्ष तथा महासंघका सल्लाहकार सुरेश हमालले उपलब्ध गराएको चेक महासंघका कल्याणकारी सचिव प्रकाश भट्टमार्फत महासंघका अध्यक्ष पुण्यप्रसाद सिटौला (सरोज)लाई हस्तान्तरण गरिएको हो ।

सहयोग रकम ग्रहण गर्दै अध्यक्ष सिटौलाले बाढीपीडितको राहत, उद्धार तथा पुनःस्थापनाका लागि गरिएको सहयोगप्रति त्रिशिद्धेश्वरी यातायात सेवा प्रा.लि. परिवारलाई हार्दिक आभार तथा धन्यवाद व्यक्त गरेका छन् ।

नुवाकोटमा बाढीबाट यातायात व्यवसायीहरूको ठूलो क्षति भएको भए पनि विपद्को समयमा पीडित नागरिकलाई सहयोग गर्न व्यवसायीहरूले आफ्नो तर्फबाट योगदान गरिरहेको महासंघले जनाएको छ ।

आफूहरू पनि क्षतिको मारमा परेको अवस्थामा पीडितका लागि सहयोग जुटाउनु यातायात व्यवसायीहरूको सामाजिक उत्तरदायित्व र मानवीय भावनाको उदाहरण भएको महासंघले जनाएको छ