कांग्रेस निकट पूर्वएआईजी जयबहादुर चन्द अख्तियार आयुक्तमा सिफारिस

तस्बिर : फाईल फोटो

काठमाडौं । प्रेमकुमार राई प्रमुख प्रमुख हुने गरी गरिएको अख्तियार दुरुपयोग अनुसन्धान आयोगको आयुक्त पदमा जयबहादुर चन्दको नाम समेत सिफारिस भएको छ।

प्रमुख प्रतिपक्षी दल नेपाली कांग्रेसका सभापति शेरबहादुर देउवानिकट चन्दलाई मंसिर ३० गतेको संवैधानिक परिषद बैठकले सिफारिस गरेको बालुवाटार श्रोतले जानकारी दिएको छ । चन्द पूर्वएआइजी हुन् । पुष्पकमल दाहाल प्रधानमन्त्री हुँदा देउवाले चन्दलाई प्रहरी महानिरीक्षक बनाउन जोड गरेका थिए।

तर, चन्दलाई सर्वोच्च अदालतले महानिरीक्षक नियुक्तिबाट रोक लगाएको थियो। चन्द सुदूरपश्चिमका हुन् ।

यस्तै, अख्तियारकै अर्का आयुक्तमा किशोरकुमार सिलवालको नाम सिफारिस भएको छ।