म्यादी प्रहरीमा आवेदन दिन देशभर घुइँचो (फोटो फिचर)

काठमाडौँ – आगामी वैशाख ३० गते हुने स्थानीय तहको निर्वाचनका लागि म्यादी प्रहरीको भर्ना खुला भएको छ । ७७ वटै जिल्ला प्रहरी कार्यालयमार्फत आजदेखि आवेदन दिन पाइने गरी भर्ना खुलेको हो ।

भर्ना खुलेसँगै आगामी चैत ११ गतेसम्म आवेदन दिन सकिने भए पनि पहिलो दिन नै देशभरका जिल्ला प्रहरी कार्यालयमा आवेदन दिनेहरुको घुइँचो लागेको छ । म्यादी प्रहरीका लागि १८ वर्ष पूरा भई ५४ वर्ष ननाघेका नेपाली नागरिकले आवेदन दिन सक्छन् । तर, आवेदन दिनेहरु अधिकांश युवा उमेरका रहेका छन् ।

सरकारले स्थानीय निर्वाचनका लागि १ लाख १९ हजार म्यादी प्रहरी भर्ना गर्दैछ । चैत १५ बाट सुरु हुने छनोट प्रक्रियाको अन्तिम नतिजा चैत २२ मा प्रकाशित हुनेछ । चैत २८ देखि ७ दिन तालिम दिएर म्यादी प्रहरीलाई काममा खटाउने तयारी छ ।