चुनाव कुनै पनि हालतमा रोकिँदैन : गृहमन्त्री निधि

मोरङ – उपप्रधान एवम् गृहमन्त्री विमलेन्द्र निधिले स्थानीय तहको निर्वाचन कुनै पनि हालतमा नरोकिने बताएका छन् ।

आज विराटनगर विमानस्थलमा सञ्चारकर्मीसँग कुरा गर्दै उनले भने – “मधेसी मोर्चासँग छलफल भइरहेको छ, छिट्टै नै सबै कुरा मिल्छ र चुनाव पनि हुन्छ ।”

मोरङको अमाही बेलमा भारतीय सुरक्षाकर्मीको गोली लागेर मृत्यु भएका वासुदेव साहका परिवारलाई राहत दिन उपप्रधान एवम् गृहमन्त्री निधी विराटनगर आइपुगेका हुन् । स्थानीय चुनाव आगामी बैशाख २१ गते हुँदैछ ।