कुलमानको बर्खास्तीविरुद्व संसदमा विपक्षी दलको प्रतिरोध, ३० मिनेटको लागि बैठक स्थगित

काठमाडौँ– नेपाल विद्युत् प्राधिकरणका कार्यकारी निर्देशक कुलमान घिसिङलाई बर्खास्त गरिएको विरोधमा विपक्षी दलले आज संसदमा प्रतिरोध गरेका छन् ।

बुधवार बसेको प्रतिनिधि सभा बैठकमा विपक्षी दलहरुले आ–आफ्नो ठाउँबाट उठेर सरकारेको सो निर्णय विरुद्व विरोध गरेका हुन् ।

नेकपा माओवादी केन्द्रले विद्युत प्राधिकरणबाट कुलमान घिसिङलाई बर्खास्त गर्ने सरकारको निर्णय फिर्ता लिन माग गरेको छ।

प्रतिनिधि सभाको बैठकमा बोल्दै सांसद शक्ति बस्नेतले यसबारे प्रधानमन्त्रीले सदनमा आएर जवाफ नदिएसम्म सदन चल्न नदिने बताए।

माओवादीसहित विपक्षी दलहरु उठेर सदन अवरोध गरेका थिए । बैठक आधा घण्टाको लागि स्थगित भएको छ ।