कुलमानको बर्खास्ती विरुद्व विपक्षी दलद्वारा राष्ट्रिय सभा अवरुद्व

काठमाडौँ- कुलमान घिसिङलाई पदबाट बिषयमा बिपक्षी दलको अवरोधका कारण राष्ट्रियसभा बैठक स्थगित भएको छ । र

बिहीबार बसेको बैठकमा विद्युत प्राधिकरणका कार्यकारी निर्देशक कुलमान घिसिङलाई हटाएको विषयलाई लिएर विपक्षी दलहरुले अवरोध गरेपछि बैठक स्थगित भएको हो ।

बैठक सुरु हुनेबितिकै बिपक्षी दलका सांसदहरुले उठेर विरोध जनाएका थिए । त्यसपछि राष्ट्रियसभा अध्यक्ष नारायणप्रसाद दाहालले राष्ट्रियसभा सदस्य बेदुराम भुसाललाई बोल्न समय दिनुभएको थियो । भुसालले संसदमा प्रधानमन्त्रीले जवाफ दिनुपर्छ भन्ने मागको सुनुवाई नभएकाले विरोध गर्नुपरेको बताए ।

कुलमानलाई हटाउने निर्णय मन्त्रीपरिषद्को भएकाले प्रधानमन्त्रीले नै यस बिषयमा जवाफ दिनुपर्ने उनको भनाइ छ । उहाले संसद्मा उठेको विषयलाई प्रधानमन्त्रीले गम्भिर रुपमा नलिएको आरोप लगाए ।

बिपक्षी दलले अवरोध गरेपछि राष्ट्रियसभा सदस्य कृष्णप्रसाद सिटौलाले बोल्न पाउनुपर्ने माग गरे । त्यसपछि बोल्नका लागि समय पाएका सिटौलाले सरकारले ल्याएको अध्यादेशको प्रतिस्थापन विधेयक पारित गर्न राष्ट्रिय सभाका सबै सदस्य गम्भीर हुनुपर्ने जनाए । उनले बिपक्षी दलले विधेयकलाई पारित गर्ने समय क्रस गर्न खाजेको देखिएको जिकिर गरे ।

राष्ट्रियसभा अध्यक्ष दाहालले विधेयक अघि बढाउनुपर्ने भएकाले बसेर सदन सञ्चालनका लागि सहयोग गर्न आग्रह गरेका थिए । तर बिपक्षी दलले विरोध कायमै राखेपछि उनले एक घण्टाका लागि बैठक स्थगित गरे ।