चन्द्रकुवेर खापुङ नेपाल प्रहरीको नयाँ आईजीपी नियुक्त

काठमाडौं– नेपाल सरकारले प्रहरी अतिरिक्त महानिरीक्षक (एआईजी) चन्द्रकुवेर खापुङलाई नेपाल प्रहरीको ३२औँ महानिरीक्षक (आईजीपी) मा नियुक्त गरेको छ।

शुक्रबार प्रधानमन्त्री निवास बालुवाटारमा बसेको मन्त्रिपरिषद् बैठकले खापुङलाई आईजीपीमा नियुक्त गर्ने निर्णय गरेको हो। खापुङ हाल वरीयतामा पहिलो स्थानमा थिए र लामो समयदेखि प्रहरी सेवामा विभिन्न जिम्मेवारी सम्हाल्दै आएका छन्।

हालका आईजीपी दीपक थापा यही भदौ १७ गते मध्यरातिबाट अनिवार्य अवकाशमा जाने भएपछि त्यसपछिदेखि खापुङको नियुक्ति औपचारिक रूपमा लागू हुनेछ।