शुक्रवार सुन तोलामा ७ हजारले बढेर बन्यो नयाँ रेकर्ड

काठमाडौं– नेपाली बजारमा सुनको मूल्य ऐतिहासिक उचाईमा पुगेको छ । शुक्रवार सुनको मूल्य तोलामा २ लाख ५८ हजार रुपैयाँ पुगेको छ ।

नेपाल सुनचाँदी व्यवसायी महासंघका अनुसार अघिल्लो दिनको तुलनामा सुनको मूल्य तोलामा ७ हजार १०० रुपैयाँ बढेर नयाँ कीर्तिमान कायम भएको हो ।

सुन १० ग्रामकै २ लाख २१ हजार १९५ रुपैयाँ पुगेको छ । यसअघि बिहीबार छापावाल सुन तोलामा २ लाख ५० हजार ९०० रुपैयाँमा कारोबार भएको थियो ।

त्यस्तै, आज चाँदीको मूल्य पनि बढेको छ । बिहीबार तोलामा ३ हजार २७५ रुपैयाँ कायम भएको चाँदीको मूल्य शुक्रवार बढेर ३ हजार ३५० रुपैयाँ कायम भएको महासंघले जनाएको छ ।