कार्यक्रम काठमाडौंस्थित होटेल क्राउन ईम्पेरियल मा दिउँसो १२ः३० बजेदेखि सुरु हुनेछ। समारोहमा नेपाल भलिबल लिगमा सहभागी हुने टोलीहरूको औपचारिक परिचय गराइने तथा सार्वजनिक गरिने आयोजकले जनाएको छ।
ADVERTISEMENT
लिगका प्रमुख कार्यकारी अधिकृत (सीईओ) डा .सन्तोष उपाध्यायले नेपाली भलिबलको इतिहासमा यो महत्वपूर्ण अवसर भएको उल्लेख गर्दै खेलकुद क्षेत्रका सरोकारवाला, प्रायोजक, सञ्चारकर्मी तथा खेलप्रेमीलाई कार्यक्रममा सहभागी हुन आग्रह गर्नुभएको छ।
नेपाली भलिबललाई व्यावसायिक, प्रतिस्पर्धात्मक र थप आकर्षक बनाउने लक्ष्यसहित आयोजना हुन लागेको लिगका सहभागी टोलीहरूको पहिलोपटक सार्वजनिक परिचय गराइने भएकाले यस कार्यक्रमलाई विशेष महत्वका साथ हेरिएको छ।
आयोजकका अनुसार टोली परिचय समारोह नेपाली भलिबलको विकास र विस्तारका लागि एउटा ऐतिहासिक अवसर बन्नेछ। साथै यसले खेलाडी, समर्थक र खेलप्रेमीमा लिगप्रति थप उत्साह र चासो बढाउने अपेक्षा गरिएको छ।
