काठमाडौँ– प्रधानमन्त्री केपी शर्मा ओली र नेकपाका अध्यक्ष प्रचण्ड चढेको विमानस्थल आकाशमै होल्ड भएपछि पर्यटन तथा नागरिक उड्डयन मन्त्रालयले छानबिन समिति गठन गरेको छ । बिहीबार मन्त्रालयले सहसचिव सुरेश आचार्यको संयजकत्वमा ४ सदस्यीय छानबिन समिति गठन गरेको हो।
अन्य सदस्यहरुमा मन्त्रालयको कानुन महाशाखाका उपसचिव सूर्यवंश शर्मा कँडेल, उपसचिव प्रकाश शर्मा ढकाल र नागरिक उड्डयन प्राधिकरणकी निर्देशक नबिना कर्माचार्य रहेका छन्। कर्माचार्यलाई समितिको सदस्य सचिव बनाइएको छ।
मंगलबार झापाबाट फर्किने क्रममा प्रधानमन्त्री ओली चढेको यति एयरको विमानले अवतरण गर्नुअघि आकाशमा २० मिनेट होल्ड भएको थियो । भीभीआइपी फ्लाइट भएको बेला अन्य उडानहरु क्लियर गरेर भीभीआइपी उडानलाई अवतरण गर्न दिने चलन छ।
छानबिन समितिले आफ्नो प्रतिवेदन सात दिनभित्र बुझाउनेछ ।