Author: Himalaya Post

काठमाडौं – रसुवाको भोटेकोशी नदीमा आएको विनाशकारी बाढी तथा पहिरोबाट प्रभावित नागरिकको राहत, उद्धार तथा पुनर्स्थापनाका लागि मोबाइल फोन आयातकर्ताहरूको संस्था Mobile Phone Importers Association (MPIA) ले ३१ लाख रुपैयाँ आर्थिक सहयोग गरेको छ । एमपीआईएले आफ्ना सदस्य संस्थाहरूबाट संकलन गरेको उक्त रकम आज अर्थमन्त्रीमार्फत प्रधानमन्त्री दैवी प्रकोप उद्धार कोषमा जम्मा हुने गरी हस्तान्तरण गरेको हो । सहयोग रकम एमपीआईएका अध्यक्ष दीपक कुमार मल्होत्रा, उपाध्यक्ष संजय अग्रवाल तथा सञ्चालक सदस्यहरूले अर्थमन्त्रीलाई हस्तान्तरण गरेका हुन् । अध्यक्ष मल्होत्राले विपद्को कठिन अवस्थामा प्रभावित नागरिकको साथमा उभिनु सबैको साझा दायित्व भएको बताए । उनले सहयोगमा सहभागी सदस्य संस्थाहरूलाई धन्यवादसमेत व्यक्त गरे ।...

काठमाडौं – नेपाली बजारमा आज सुनको मूल्य बढेको छ । नेपाल सुनचाँदी व्यवसायी महासंघका अनुसार बिहीबार सुन प्रतितोला ३ लाख ५ हजार ८०० रुपैयाँमा कारोबार भइरहेको हो। बुधबार सुन प्रतितोला ३ लाख २ हजार ४०० रुपैयाँमा कारोबार भएको थियो । आज सुनको मूल्य प्रतितोला ३ हजार ४०० रुपैयाँले बढेको हो । यस्तै, चाँदीको मूल्य पनि बढेको छ । आज चाँदी प्रतितोला ४ हजार ८५५ रुपैयाँमा कारोबार भइरहेको छ...

काठमाडौं – खाना पकाउने एलपी ग्यासको अभावप्रति सरकारको ध्यानाकर्षण गराउन अनेरास्ववियु क्रान्तिकारीले काठमाडौंमा सांकेतिक प्रदर्शन गरेको छ । आरआर क्याम्पस अगाडिको सडकमा विद्यार्थीहरूले इँटा राखेर अस्थायी चुलो निर्माण गर्दै दाउरा बालेर खाना पकाएका हुन् । ग्यासको अभावका कारण सर्वसाधारणले भोग्नुपरेको समस्यालाई सरकारसमक्ष देखाउन सडकमा खाना पकाएर विरोध जनाइएको उनीहरूको भनाइ छ । विद्यार्थीहरूले बजारमा सहज रूपमा ग्यास उपलब्ध गराउन तथा अभावको समस्या तत्काल समाधान गर्न सरकारसँग माग गरेका छन् । प्रदर्शनका क्रममा उनीहरूले ग्यास आपूर्तिमा देखिएको समस्या समाधान गर्न सरकार गम्भीर बन्नुपर्ने बताएका छन्...