Author: Himalaya Post

काठमाडौँ – राष्ट्रियसभाको विद्यायन व्यवस्थापन समितिमा मिडिया काउन्सिल विधेयकमाथि मङ्गलबार दफावार छलफल हुने भएको छ । आज बसेको बैठकमा काउन्सिलको अध्यक्ष र सिफारिस समितिको संयोजक कसलाई बनाउने भन्ने विषयमा प्रस्ट हुन नसकेपछि बैठक मङ्गलबार सरेको हो । समिति सभापति जयन्तीदेवी राईले असहमति हुँदै आएका विधेयकका केही बुँदामा एकरूपता ल्याउने प्रयास भइरहेको बताइन् । “लगभग धेरै बुँदामा साझा सहमति बनिसकेको छ, अध्यक्ष र सिफारिस समितिको संयोजक राख्ने विषयमा प्रष्ट हुन सकिएको छैन । यस विषयमा पनि चाँडै टुङगोमा पुग्छौँ”, उनले भनिन्। सांसद डा बेदुराम भुसाल, भगवती न्यौपाने, सुरेश आलेमगर, आनन्द प्रसाद ढुङ्गानालगायतले विधेयकमाथिको छलफलमा भाग लिएका थिए...

एजेन्सी – बङ्गलादेशमा शेख हसिनाले राजीनामा दिएपछि प्रदर्शनकारीहरू ढाकास्थित प्रधानमन्त्री निवासमा प्रवेश गरेर लुटपाट गरेका छन् । सार्वजनिक तस्बिरमा प्रदर्शनकारीले प्रधानमन्त्री निवासका सामानहरू लैजाँदै गरेको देखिन्छ । ढाकामा रहेका बीबीसी संवाददाताका अनुसार स्थानीय समाचार च्यानलमा देखाइएको तस्विरमा प्रधानमन्त्री निवासबाट सोफाजस्तो वस्तु बोकेर मानिसलाई देख्न सकिन्छ । बंगलादेशमा गत महिनादेखि विद्यार्थीहरू आन्दोलनमा थिए, उनीहरूको पहिलो माग सरकारी जागिरमा आरक्षण खारेज गर्ने थियो। पछि उनीहरुले प्रधानमन्त्री पदबाट शेख हसिनाको राजीनामा माग गरेका थिए । यी पनि हेर्नुहोस् : बंगलादेशकी प्रधानमन्त्री हसिना देश छोडेर भागिन्, सेनापतिले गरे यस्तो घोषणा बङ्गलादेशकी प्रधानमन्त्री शेख हसिनाद्वारा राजीनामा, अन्तरिम सरकार चाँडै बन्ने देश छोडेर भारत पुगिन्...

काठमाडौँ – सहकारी संस्था बचत रकम दुरुपयोग संसदीय छानबिन विशेष समितिले आफ्नो प्रतिवेदन तयार गर्न गृहकार्य सुरु गरेको छ । सोमबार सिंहदरबारमा बसेको बैठकमा समितिको कार्यादेशमा आधारित भएर प्रतिवेदन बनाउनका लागि आवश्यक सुझाव लिएको समिति संयोजक सूर्य थापाले जानकारी दिए । प्रतिवेदनमा समेट्ने विषयमा सचिवालयबाट प्रस्तुत खाकाका विषयमा बैठकमा छलफल भएको भन्दै उनले खाकालाई सर्वसम्मतले पारित गरेको बताए । यसअघि भएका छलफलका निष्कर्षलाई समेटेर प्रतिवेदन मस्यौदा बनाउदै लैजाने र आवश्यकता अनुसार सरोकारवाला निकायसंग छलफल पनि गर्दै जाने उनले जानकारी दिए । त्यस्तै उनले सहकारी रकम हिनामिनामा आरोपीत सम्बन्धीत सहकारीका अध्यक्ष लगायतका पदाधिकारीसंगपनि समितिले छलफल गर्ने र त्यसका लागि प्रश्नहरुको...