Author: Himalaya Post

काठमाडौँ – संसद सचिवालयका कर्मचारीको आन्दोलनका कारण प्रतिनिधिसभा बैठक प्रभावित भएको छ । बुधबार कार्यालय समयपछिपनि जारी रहेको बैठकमा सचिवालयका कर्मचारीहरुले सभामुखको मात्र अनुहार देखाएर प्रत्यक्ष प्रसारण गरेपछि सांसदहरुले आपत्ति जनाएका थिए । सांसद रामहरि खतिवडाले सांसदहरुले बोलेका बेला सभामुखलाई मात्रै देखाएकाले बैठक स्थगित गर्न आग्रह गरेका थिए । त्यसपछि सभामुख देवराज घिमिरेले कार्यसूचीमा रहेका विषयलाई हटाउदै बैठक स्थगत गरे । प्रतिनिधिसभाको अर्को बैठक बिहीबार बिहान ११ बजे बोलाइएको छ । विभिन्न माग राख्दै संसद सचिवालयका कर्मचारीहरु आन्दोलित छन् । उनीहरुले आफ्ना माग पूरा नभएसम्म कार्यालयसमयबाहेक काम नगर्ने बताउँदै आएका छन्...

काठमाडौँ – दुई दजर्न भन्दाबढी वरिष्ठ कलाकारका चित्र एक साथ प्रदर्शनमा राखिएका छन् । बबरमहलस्थित आर्ट काउन्सिलमा ‘सिर्जना–२०२४ थ्रेड्स : अफ सिमुटियनिटी’ शीर्षकमा कला प्रदर्शनी गरिएको हो । सिर्जन कलेज अफ फाइन आर्टले आइतबारदेखि सुरु गरेको प्रदर्शनी शुक्रबारसम्म सञ्चालन हुने जनाएको छ । कलाकारहरुका चित्रकला, मूर्तिकला, कार्टुनकला तथा प्रतिस्थापन कलाले प्रदर्शनीस्थल सजिएको छ । कलेजको कला क्षेत्रमा अध्ययन गरी कलालाई प्रोत्साहन गर्दै आएका पाका पुस्तका कलाकारको सिर्जनालाई महत्वपूर्ण स्थान दिइएको आयोजकको भनाइ छ । प्रदर्शनीमा शशीविक्रम शाह, वैत्यगोपाल वैद्य, कृष्ण मानन्धर, मदन चित्रकार, गौतम मानन्धर, नवीन्द्रमान राजभण्डारी, लोक चित्रकार, सुनिल रञ्जीत, देविना मल्ल, सुष्मा शाक्य, देवेन्द्र पाण्डे, भावना मानन्धर,...

काठमाडौँ – सहकारी संस्था बचत रकम संसदीय छानबिन विशेष समितिले छानविनका क्रममा आइपर्ने कानुनी लगाएत विविध पक्षहरुमा सरोकारवाला निकायसंग छलफल गरेको छ । संसद भवन बानेश्वरमा बुधबार बसेको समिति बैठकले कानून मन्त्रालय र कानुन आयोगका सचिवसहितका पदाधिकारसंग छानविनका क्रममा आइपर्ने कानूनी लगाएत विविध पक्षहरुमा छलफल गरेको समिति संयोजक सूर्य थापाले जानकारी दिए । समितिको कार्यादेशसँग सम्बन्धित विषयहरुमा कानुनी अस्पटता, अधिकार क्षेत्रको बाँडफाँटसँग सम्बन्धित विषयलगायतमा उठेका प्रश्नलाई हल गर्ने प्रयास समेत भएको थापाले बताए । उनले छानविन, कारवाही सिफारिस लगाएतका व्यवस्थामा विद्यमान संवैधानिक अवस्था र यसअघिको अभ्यासका बारेमा स्पष्टता भएको धारणा राखे । उनले अर्को बैठक असार १० गते बस्ने...

काठमाडौँ – प्रमुख प्रतिपक्षी नेपाली कांग्रेसले आगामी आर्थिक बर्षको बजेट पुनर्लेखन गर्न सरकारलाई सुझाव दिएको छ । बुधबार संसद भवन नयाँ बानेश्वरमा सञ्चारकर्मीसंग कुरा गर्दै कांग्रेस मुख्य सचेतक रमेश लेखकले बजेटप्रति चौतर्फी असन्तुष्टि देखापरेको भन्दै बजेट पुनर्लेखन गर्न प्रधानमन्त्रीलाई सुझाव दिएका हुन् । ‘मन्त्रालयगत विनियोजनमा जाँदै गर्दा साह्रै लज्जास्पद स्थिति देखा पर्यो । नेपालको इतिहासमा विरलै भएका घटना हिजो भए । रोष्ट्रममै बजेटको कपी च्यातिएको छ । मौन धारण भएको छ ।’ उनले भने, ‘सत्ता पक्षकै सांसदले बजेटको कटु आलोचना गरिरहेको स्थिति छ । सदनभित्र कुनै एक जना सांसद पनि यो बजेटको विनियोजनसँग सन्तुष्ट हुनुहुन्न । यो बजेट पुनर्लेखन...