Author: Himalaya Post

काठमाडौं – चितवन राइनोजले आगामी नेपाल प्रिमियर लिग (NPL) सिजनका लागि जिम्बाब्वेका अन्तर्राष्ट्रिय क्रिकेटर सिकन्दर राजालाई अनुबन्ध गरेको घोषणा गरेको छ। अन्तर्राष्ट्रिय तथा फ्रेन्चाइज क्रिकेटमा लामो अनुभव हासिल गरेका रजा एक प्रभावशाली अलराउन्डरका रूपमा परिचित छन्। ब्याटिङ र बलिङ दुवैबाट खेलमा प्रभाव पार्न सक्ने सिकन्दर राजाले जिम्बाब्वेको राष्ट्रिय टोलीबाट उच्चस्तरीय क्रिकेट खेल्दै आएका छन् भने विश्वका विभिन्न प्रमुख टी–२० प्रतियोगितामा समेत सहभागिता जनाएका छन्। उनको अनुभव, अलराउन्ड क्षमता र नेतृत्वदायी भूमिकाले आगामी एनपीएल सिजनका लागि तयार भइरहेको चितवन राइनोजको टोलीलाई थप मजबुत बनाउने अपेक्षा गरिएको छ। राजाको अनुबन्धले चितवन राइनोजको अन्तर्राष्ट्रिय खेलाडी संयोजनलाई थप बलियो बनाएको छ। आगामी सिजनमा...

ललितपुर । महालक्ष्मी नगरपालिका वडा नम्बर ७ ले आर्थिक वर्ष ८८२०८२र८३ को वार्षिक बुलेटिन सार्वजनिक गर्दै स्थानीयवासी, सरोकारवाला तथा विभिन्न राजनीतिक दलका प्रतिनिधिहरूसँग सार्वजनिक सुनुवाइ कार्यक्रम सम्पन्न गरेको छ। कार्यक्रममा वडाको प्रगति, आगामी योजना तथा स्थानीय नागरिकका गुनासो र सुझावमाथि खुला छलफल गरिएको थियो। वडा नम्बर ७ का अध्यक्ष बाबुराजा महर्जनले वार्षिक बुलेटिन सार्वजनिक गर्दै चालु आर्थिक वर्षमा वडाले गरेका काम तथा प्रगतिका विवरण प्रस्तुत गर्नुभएको थियो। उहाँले जनताको गुनासो, सुझाव र आवश्यकतालाई प्रत्यक्ष रूपमा सम्बोधन गर्दै आगामी दिनमा वडा नम्बर ७ लाई देशकै नमुना वडा बनाउने अभियानमा आफूहरू प्रतिबद्ध रहेको बताउनुभयो। अध्यक्ष महर्जनले वडाको समग्र विकासका लागि स्वास्थ्य,...

काठमाडौं – नेपाली कांग्रेसका सभापति गगन थापाले बाराको जितपुर सिमरा उपमहानगरपालिका–१ की ३ वर्षीया बालिका गरिमा चौधरीको हत्या प्रकरणमा दुःख व्यक्त गर्दै दोषीलाई कडा कानुनी कारबाही गर्न सरकारसँग माग गरेका छन्। शुक्रबार सामाजिक सञ्जालमार्फत थापाले गरिमाप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनमा गहिरो समवेदना व्यक्त गरेका हुन्। गरिमा हराएको दिनदेखि नै परिवारले राज्यको साथ र न्यायको अपेक्षा गरिरहेको उल्लेख गर्दै थापाले पीडित परिवारको पीडा सरकारले बुझेको छ कि छैन भन्दै प्रश्न गरेका छन्। न्यायको आशामा परिवारले अझै पनि सरकारलाई गुहारिरहेको उनको भनाइ छ। थापाले घटनाको तत्काल निष्पक्ष र प्रभावकारी अनुसन्धान गरी दोषीलाई कानुनबमोजिम कडा सजाय दिलाउन सरकार गम्भीर हुनुपर्ने...

जनकपुरधाम – जनता समाजवादी पार्टी नेपालका केन्द्रीय अध्यक्ष उपेन्द्र यादवको प्रमुख आतिथ्यमा ‘अग्रगामी मोर्चा’को मधेश प्रदेशस्तरीय बैठक जनकपुरधाममा सम्पन्न भएको छ । विभिन्न ९ राजनीतिक दल सहभागी बैठकले मोर्चाको संगठन विस्तारसँगै आगामी राजनीतिक तथा जनपरिचालनका कार्यक्रम तय गरेको छ । शुक्रबार बसेको बैठकले मधेश प्रदेश समन्वय समिति गठन गर्नुका साथै आगामी भदौ १० गतेभित्र मधेशका आठवटै जिल्लामा जिल्ला समन्वय समिति गठन गर्ने निर्णय गरेको छ । जिल्ला समिति गठनको जिम्मेवारीसमेत मोर्चामा आबद्ध विभिन्न दललाई बाँडफाँट गरिएको छ । बैठकले सिरहाका गणेश यादवको प्रहरी गोली प्रहारबाट भएको मृत्यु तथा बाराकी तीन वर्षीया बालिका गरिमा चौधरीको बलात्कारपछि भएको हत्याप्रति दुःख व्यक्त...

काठमाडौं- नेपाल र भारतले सीमाका संवेदनशील क्षेत्रमा आधुनिक प्रविधिको प्रयोगमार्फत सुरक्षा निगरानी बढाउने सहमति गरेका छन् । भारतको देहरादुनमा शुक्रबार सम्पन्न नेपाल–भारत सीमा व्यवस्थापन संयुक्त कार्यदलको १४औँ बैठकमा यस्तो सहमति भएको हो । गृह मन्त्रालयका अनुसार सीमाका संवेदनशील स्थानमा सीसीटीभीलगायत आधुनिक तथा नवीनतम प्रविधि र उपकरण प्रयोग गरी सुरक्षा निगरानी थप प्रभावकारी बनाउने विषयमा दुवै पक्ष सहमत भएका छन् । बिहीबारदेखि सुरु भएको बैठकमा दशगजा क्षेत्रको अतिक्रमण तथा अनधिकृत प्रयोग नियन्त्रण गर्ने विषयमा पनि गहन छलफल भएको थियो । सीमा क्षेत्रमा देखिने यस्ता समस्या नियन्त्रणका लागि दुवै देशबीच आवश्यक समन्वय र सहकार्य बढाउने विषयमा जोड दिइएको छ । बैठकमा...