गृहमन्त्री रमेश लेखकले अपराध गर्ने जोसुकैलाई पनि कानूनको दायराभित्र ल्याउने बताएका छन् ।
ADVERTISEMENT
सोमबार सुर्खेतको वीरेन्द्रनगरमा कर्णाली प्रदेशस्तरीय सुरक्षा गोष्ठीको उद्घाटन गर्दै मन्त्री लेखकले बिशेषलाई उन्मुक्ति दिने, सानो ठूलो भनेर बिभेद गर्ने काम नगर्न निर्देशन दिदै अपराध गर्ने जोसुकैलाई पनि कानूनको दायराभित्र ल्याउनुपर्ने बताएका हुन् ।
ADVERTISEMENT
शान्ति सुरक्षा सुदृढ गर्न कुनैपनि सम्झौता नगर्न मातहतका निकायलाई उनले निर्देशन समेत दिए ।
अहिलेको सरकार केही मानिसहरुलाई मन्त्री बनाउन र सरकार बनाउँनका लागि मात्र बनेको नभइ विशेष परिस्थितलाई सम्बोधन गर्न ठूला दुई दल एक ठाँउ उभिनुपरेको उनले जनाए ।
लेखकले अहिलेको संविधानलाई असफल गर्ने छुट कसैलाई नरहेको उल्लेख गरे । उनले नागरिकले प्राप्त गर्ने सवै सेवाहरुलाई सहज रुपमा प्रवाह गर्नुपर्नेमा जोड दिए ।
