निर्वाचन समीक्षापछि झलनाथ भन्छन्, ‘गठबन्धनका अन्य दलहरूप्रति हामी असन्तुष्ट छौं’

काठमाडौं – सत्तारुढ नेकपा एकीकृत समाजवादीका सम्मानित नेता झलनाथ खनालले स्थानीय चुनावमा भएको गठबन्धन र त्यसको परिणामबाट आफूहरू ‘बेहद असन्तुष्ट’ रहेको बताएका छन् ।

चुनावको समीक्षा गर्न शनिवार बसेको सचिवालय बैठकपछि पत्रकारसँग कुरा गर्दै नेता खनालले पाँच दलीय गठबन्धनमा नेकपा एसमाथि अन्य दलले धोखा दिएको टिप्पणी गरे ।

उनले भने, ‘हामी गठबन्धन र त्यसको परिणामबाट असन्तुष्टमात्र होइन बेहद असन्तुष्ट छौँ । गठबन्धनको भूमिका पाँच दलका केही दलबाट भएन । यो कुरा हामीले पाँच दलीय बैठकमा पनि राखेका छौँ र अहिले समीक्षा गरिरहेका छौँ ।