Author: Himalaya Post

काठमाडौं – कानून न्याय तथा संसदीय मामिला मन्त्री सोविता गौतमले अख्तियारको डरले स्पष्ट राय दिन र निर्णय गर्न हिचकिचाइरहेको बताएकी छिन् । बिहीबार सिंहदरबारमा बसेको प्रतिनिधिसभा अन्तर्गतको राज्य व्यवस्था तथा सुशासन समिति बैठकमा मन्त्री गौतमले ऐन–कानुनमा स्पष्ट लेखिएका विषयहरूमा समेत कर्मचारीहरू अख्तियारको डरले स्पष्ट राय दिन र निर्णय गर्न हिचकिचाइरहेको बताएकी हुन् । ’डिसिजन प्यारालाइिसस’ का कारण सरकारी कामकारबाही ठप्प हुने र सरकारले प्रभावकारी रूपमा काम गर्न नसक्ने जटिल अवस्था सिर्जना भएको उनले बताएकी छिन्  । मन्त्री गौतमले अख्तियारलाई राजनीतिक प्रतिशोध, व्यक्तिगत रिसइबी वा कर्मचारी तर्साउने हतियारका रूपमा प्रयोग गर्न दिन नहुने धारणा राखेकी छिन्। सत्तामा जोसुकै आए पनि संवैधानिक...

काठमाडौं – कुमारी बैंक लिमिटेडले आफ्ना बैकिङ्ग सेवा, व्यक्ति अनि समुदायको क्षमता अभिबृद्धी तथा रणनीतिक साझेदारीमार्फत दिगो विकासलाई प्रवद्र्धन गर्ने प्रतिबद्धतालाई थप सुदृढ गर्दै हेल्भेटास स्विस इन्टरकोअपरेसन नेपाल (हेल्भेटास नेपाल)सँग महत्वपूर्ण समझदारीपत्रमा हस्ताक्षर गरेको छ । यस साझेदारीको मुख्य उद्देश्य नेपालको उदाउँदो हरित अर्थतन्त्रमा संलग्न सूक्ष्म उद्यमी, कृषक, युवाद्वारा सञ्चालित व्यवसाय तथा अन्य महत्वपूर्ण मूल्य शृङ्खला साझेदारहरूको वित्तीय पहुँच विस्तार गर्नुका साथै व्यवसाय विकाससम्बन्धी सहयोग उपलब्ध गराउनु हो । सम्झौतापत्रमा कुमारी बैंक लिमिटेडका प्रमुख मार्केटिङ तथा लगानी अधिकृत चन्दन कार्की र हेल्भेटास नेपालका कन्ट्री डाइरेक्टर मनीष प्रधानले औपचारिक रूपमा हस्ताक्षर गरेका हुन् । यस सहकार्यले समावेशी आर्थिक विकास, उद्यम...

काठमाडौं – प्रतिनिधिसभा अन्तर्गतको सार्वजनिक लेखा समितिले परिणाममुखी खर्चको सिद्धान्तअनुसार वैदेशिक सहायता परिचालन हुने गरी आवश्यक नीतिगत सुधार गर्न सरकारलाई निर्देशन दिएको छ । सिंहदरबारमा बिहीबार बसेको समिति बैठकले आगामी दिनमा वैदेशिक सहायता राष्ट्रिय प्राथमिकता, बजेट प्रणाली, सार्वजनिक कोष, पारदर्शिता, लेखापरीक्षण र परिणाममुखी खर्चको सिद्धान्तअनुसार परिचालन हुने गरी आवश्यक नीतिगत तथा संस्थागत सुधार गर्न सरकारलाई निर्देशन दिएको हो । बैठकले नगद, वस्तुगत वा प्राविधिक जुनसुकै प्रकृतिको वैदेशिक सहायता भए पनि सम्भव भएसम्म राष्ट्रिय बजेट प्रणाली तथा सरकारी कोषमार्फत परिचालन गरी अनिवार्य लेखापरीक्षणको दायरामा ल्याउन निर्देशन दिएको छ भने वैदेशिक सहायता प्राप्त हुने सुनिश्चितता भइसकेपछि मात्र वैदेशिक स्रोततर्फको रकम वार्षिक...

​काठमाडौँ- प्रधानसेनापति अशोक राज सिग्देलले पदोन्नति भएका दुई सैनिक अधिकृतलाई दर्ज्यानी चिन्ह (इन्सिग्निया) प्रदान गरेका छन्। ​सैनिक मुख्यालय (जङ्गी अड्डा) मा आयोजित एक विशेष समारोहका बीच प्रधानसेनापति सिग्देलले पदोन्नत हुनुभएका प्राविधिक उपरथी र प्राविधिक सहायक रथीलाई दर्ज्यानी चिन्ह प्रदान गर्नुभएको हो। ​साउन २६ गतेको निर्णयअनुसार प्राविधिक सहायक रथीबाट उपरथी दर्जामा पदोन्नति हुनुभएका प्राविधिक सहायक रथी विश्वबन्धु पहाडीलाई उपरथी दर्जाको दर्ज्यानी चिन्ह प्रदान गरिएको छ। ​यसैगरी, प्राविधिक सहायक रथी पदमा पदोन्नति हुनुभएकी प्रमुख सेनानी डा. इन्दिरा आचार्यलाई पनि सोही समारोहमा प्रधानसेनापति सिग्देलले दर्ज्यानी चिन्ह सुशोभित गर्नुभयो। ​उक्त दर्ज्यानी चिन्ह प्रदान कार्यक्रममा नेपाली सेनाका उच्चपदस्थ रथीवृन्द, सैनिक अधिकृतहरूका साथै पदोन्नति हुनुभएका...