Author: Himalaya Post

काठमाडौँ, फागुन ४ । निजी क्षेत्रको दूर सञ्चार सेवा प्रदायक कम्पनी एनसेलले अब आफ्ना ग्राहकलाई निःशुल्क फेसबुक चलाउन पाउने सुविधा प्रदान गर्ने भएको छ । फेसबुकसँगको सहकार्यमा ल्याइएको यो सेवा आजदेखि ग्राहकले पाउने एनसेलले जानकारी दिएको छ । राजधानीमा आयोजित कार्यक्रममा एनसेलका प्रबन्ध निर्देशक साइमन पर्किन्स र फेसबुकको एसिया प्यासेफिक क्षेत्रकी प्रमुख प्रतिनिधि तथा ग्रोथ पार्टनरशिपकी प्रमुख आन्नानाइ ग्रेनले ‘फेसबुक फ्री’ योजनाको संयुक्तरुपमा सार्वजनिक गरेका थिए । एनसेलको नेटवर्क प्रयोग गरी इन्टरनेट प्रयोग गर्नेकुनै पनि मोबाइल फोनबाट फेसबुक चलाउँदा,फटो अपलोड गर्दा वा अरुको तस्वीरमा लाइक कमेन्ट गर्दा वा स्टाटस राख्दा कुनैपनि शुल्क नलाग्ने भएको छ । प्रिपेड तथा पोस्टपेड दुबै किसमका ग्राहकले पाउने यो सुविधामा अर्काको फोटो हेर्न भने शुल्क लाग्ने छ तर कसैको प्रोफाइल हेर्न भने पैशा लाग्ने छैन । नेपालमा इन्टरनेट प्रायोगकर्तामा फेसबुक सबैभन्दा लोकप्रिय रहेको र त्यसमा पनि धेरैले मोबाइलबाट इन्टरनेट चलाउने भएकोले सबैलाई एकआपसमा जोड्नको लागि ‘सबैका लागि इन्टरनेट’ विषय अन्तर्गत यो सुविधा ल्याइएको एनसेलले दाबी गरेको छ । एनसेलको यो अफर लागु भएपछि फेसबुक पेजमा ‘गो टु फ्रि’ बटन स्वतः देखिने छ । यो बटन क्लिकगर्ने बित्तिकै, एनसेलका ग्राहकहरुले फेसबुकको निःशुल्क संस्करणबाट फेसबुक ब्राउजगर्न सक्नेछन । फ्रि मोडमा हुँदा ‘गो टु पेड’ बटम देखिन्छ भने पेडमा हुँदा ‘गो टु फ्रि’ बटम देखिन्छ। त्यस्तै सोही पेजमा डाटा लिने बिकल्प पनि रहने छ । यो योजना आजबाट ९० दिनसम्मका लागि रहनेछ...

फागुन ४, काठमाडौं । साझा यातायातले रात्रिकालीन बस सेवा सुरु गरेको छ । मंगलबार रातिदेखि साझाले ५ वटा रुटमा राति साढे ८ देखि ११ बजेसम्म रात्रीकालीन सेवा दिन सुरु गरेको हो । रातिको समयमा यात्रुहरुलाई पर्ने गरेको अप्ठेरोलाई ध्यानमा राखेर रात्री बस सेवा सुरु गरिएको साझा यातायातका निमित्त प्रमुख कार्यकारी अधिकृत महेन्द्रराज पाण्डेयले जानाए । अस्पतालका कुरुवा, ढिलासम्म काममा रहने कामदार तथा बसपार्कमा राति आइपुग्ने यात्रुलाई लक्षित गरेर ५ वटा रुटमा सेवा थालिएको छ । साझाले ५ वटामध्ये एउटा रुट अस्पतालका बिरामी र तिनका कुरुवालाई लक्षित गरेको छ । पाटन अस्पतालबाट छुट्ने बस त्रिपुरेश्वर आँखा अस्पताल हुँदै बीर अस्पताल, त्रिबि टिचिङ अस्पताल, गंगालाल हृदयरोग केन्द्र हुँदै न्युरो अस्पतालसम्म पुग्नेछ र सोही रुट भएर फर्किनेछ । यसैगरी साझाले न्युरोडगेटबाट नयाँ बनेश्वर कोटेश्वर रुपटमा पनि अर्को बस चलाउनेछ । साढे ११ बजेसम्म यो रुटमा साझा बस आउजाउ गर्नेछन् ।यसैगरी न्युरोडगेटबाटै सिंहदरबार, बानेश्वर, तीनकुनेहुँदै एयरपोर्ट, गौशाला चाबहिल हुँदै जोरपाटी पुग्नेछ र त्यही बाटो भएर फर्किनेछ । यसैगरी न्यरोडगेटबाटै त्रिपुरेश्वर– कालीमाटी–कलंकी रुटमा पनि राति ११ बसेजम्म सझाले सेवा दिनेछ । बायुसेवा निगम अगाडिबाटै ठमेल, सोह्रखुटे, नयाँ बसपार्कसम्म अर्को बस चल्नेछ । यही सबै रुटबाट गएका बस सोही बाटो भएर फर्किने पाण्डेयले बताए । साझाको रात्रीकालीन बसको भाडादर जहाँबाट चढेर जहाँ झर्दा पनि २५ रुपैयाँ तोकिएको छ । सुरक्षाका लागि बसमा सिसी क्यामेराको निगरानी...

काठमाडौँ,  फागुन ३ । निर्वाचन आयोगले सरकारले यही फागुन ८ गतेसम्म निर्वाचनको मिति घोषणा गरेमा जेठमा निर्वाचन गराउन सम्भव हुने जानएको छ । जिल्ला विकास समिति महासङ्घ, नेपाल नगरपालिका सङ्घ तथा गाउँ विकास समिति राष्ट्रिय महासङ्घले आज संयुक्त रुपमा आयोजना गरेको ‘स्थानीय तह पुनःसंरचना, बाँकी कामहरु र स्थानीय निर्वाचन’ विषयक अन्तक्र्रिया निर्वाचन आयोग सदस्य इला शर्माले निर्वाचन मिति फागुन ८ मा घोषणा भए आयोगले जुनसुकै हालतमा पनि जेठ १ र २१ गते दुई चरणमा निर्वाचन गराउन सक्ने र यसका लागि तयारी गरिसकेको बताइन्  । उनले भनिन् – “देशलाई निकास दिन आयोग हदैसम्म लचक भएर निर्वाचन गराउन तयार छ । आयोगलाई निर्वाचन गराउने विषयमा सरकारको नियतमा कुनै शङ्का छैन तर त्यसका लागि अब हामीलाई प्रशासनिक केन्द्र, नगरपालिका र गाउँपालिकामा कार्यकारी अधिकृत र कर्मचारीको उपस्थिति पनि चाहिन्छ ।” स्थानीय तह पुनःसंरचना आयोगका सदस्य माधव अधिकारीले गाउँ तथा नगरपालिकाको सङ्ख्या र सिमाना निर्धारण, नाम, केन्द्र र वडा विभाजनका लागि सिफारिस गर्ने काम सकिसकेकाले आयोगले अहिले विशेष संरक्षित वा स्वायत्त क्षेत्रको सङ्ख्या र सिमा निर्धारण, स्थानीय तहमा आवश्यक प्रशासनिक संरचना र जनशक्ति उपलब्ध गराउन प्रस्ताव गर्ने तयारी गरिरहेको जानकारी दिए...