काठमाडौँ – शिक्षा, विज्ञान तथा प्रविधिमन्त्री सुमना श्रेष्ठले एसईईको नजिताका बारेमा गम्भीर भएर समीक्षा गर्नुपर्ने बताएकी छन् ।
ADVERTISEMENT
सोमबार प्रतिनिधिसभा बैठकमा सांसदहरुले सोधेका प्रश्नको जवाफ दिँदै मन्त्री श्रेष्ठले एसईईको नजिता समाजको वास्तविक चित्रण भएको भन्दै सवैले ग्लानी महशुस गर्दै गम्भीर भएर समिक्षा गर्नुपर्ने बताएकी हुन् । उनले नजिता आइसकेको अवस्थामा सुधारको पाटोलाई प्राथमिकता दिनुपर्ने बताइन् । शिक्षामन्त्री श्रेष्ठले शिक्षा क्षेत्रको सुधारका लागि मन्त्रालय मात्र नभइ सबै पक्ष जिम्मेवारीका साथ लाग्नुपर्ने उल्लेख गरिन् ।
ADVERTISEMENT
शिक्षा मन्त्रालयमा बाहिरका कर्मचारी नआउने र शिक्षा क्षेत्रकै कर्मचारी आउने व्यवस्था गर्ने तथा शिक्षाको गुणस्तर मापन गर्ने संयन्त्र तयार पार्नेगरी काम भइरहेको उनले जानकारी दिइन् । उनले सामुदायिक विद्यालयका प्रधानाध्यापकहरुका लागि छुट्टै सेवा आयोग बनाउने विषयमा काम भइरहेको पनि बताइन् ।
त्यस्तै उनले विद्यार्थी र शिक्षकको अनुपात असन्तुलित देखिएकाले प्राथमिक तहका दरबन्दी काटेर माथिल्लो तहमा दरबन्दी बढाउन सकिनेबारे मन्त्रालयले गृहकार्य गरिरहेको बताइन् ।
