१० किलो चरेससहित बारामा २ जना भारतीय नागरिक पक्राउ

राहुल गुप्ता, बारा – सशस्त्र सीमा सुरक्षा गुल्म मटिअर्वा, बाराले लागु औषध चरेससहित दुई जनालाई पक्राउ गरेको छ । पक्राउ पर्नेमा भारतको मोतिहारी जिल्ला, थाना आदापुर पन्चायत बेलवा बस्ने १८ वर्षीय मनिष कुमार र भारतको रामपुर बस्ने २१ वर्षीय भरत साह रहेका छन् ।

मंगलवार राति बाराको कलैया उपमहानगरपालिका–१० शनिच्ररा मठ ईलाकामा सशस्त्र प्रहरी बल नेपाल सीमा सुरक्षा गुल्म मटिअर्वाबाट सप्रनाउ भवराज कटवालको कमान्डमा खटिएको ४ जनाको मोटरसाइकल गस्ती टोलीले उनीहरुलाई १० किलो बढी लागूऔषध चरेससहित गरेको हो ।

प्रहरीका अनुसार नेपालबाट भारततर्फ जाँदै गरेको भारतीय नम्बरको द्यच्ण्छद्यभ्ण्ठटठ च्यासिस नम्बरको मोटरसाइकललाई चेकजाँच गर्ने क्रममा मोटरसाइकलमा सवार २ जनाले हेल्मेट र मोटरसाइकलको सिटभित्र लुकाई छिपाई राखेको अन्दाजी १० केजि २३० ग्राम अवैध लागुऔषध चरेस फेला परेको हो ।

बरामद लागू औषध चरेस र मोटरसाइकलसहित दुवै जनालाई आजै आवश्यक कारवाहीको लागि जिल्ला प्रहरी कार्यालय बारामा बुझाईएको सशस्त्र प्रहरी बल नेपाल न.१२ गण, बाराले जनाएको छ ।