Author: Himalaya Post

काठमाडौँ – सरकारले बेपत्ता पारिएका व्यक्तिको छानविन आयोग र सत्य निरुपण तथा मेलमिलाप आयोगको कार्यअवधि २०८० असार मसान्तसम्म थप गर्ने निर्णय गरेको छ । प्रधानमन्त्री तथा मन्त्रिपरिषद्को कार्यालय सिंहदरबारमा आज बसेको बैठकले दुवै आयोगको म्याद थप गर्न बाधा अड्काउ फुकाउको आदेश नेपाल राजपत्रमा प्रकाशन गर्ने निर्णय गरेको सरकारका प्रवक्ता एवम् सूचना तथा सञ्चारमन्त्री रेखा शमार्ल जानकारी दिइन् । उनका अनुसार बैठकले स्थानीय तह राजश्व व्यवस्थापन प्रणाली सञ्चालन निर्देशिका, २०८१ र सरकारी कोषको नगद व्यवस्थापन सम्बन्धि कार्यविधि २०८१ स्वीकृत गर्ने निर्णय गरेको छ । बैठकले यसअघि २०८० माघ १८ गतेको मन्त्रिपरिषद्को निर्णयअनुसार गठन गरिएको कार्यदलले पेस गरेको फौजदारी न्याय प्रशासन...

काठमाडौँ – नेकपा (एकीकृत समाजवादी)ले प्रधानमन्त्री प्रचण्डको विश्वासको मतको पक्षमा मतदान गर्ने निर्णय गरेको छ । संसद भवन बानेश्वरमा बिहीबार बसेको नेकपा एकीकृत समाजवादी संसदीय दलको बैठकले शुक्रबार संसदमा प्रधानमन्त्री प्रचण्डको विश्वासको मतको प्रस्तावका पक्षमा मतदान गर्ने निर्णय गरेको हो । बैठकले प्रचण्डको पक्षमा विश्वासको मत दिन ह्वीप जारी गर्ने निर्णय गरेको नेकपा एकीकृत समाजवादीका सांसद राजेन्द्र पाण्डले जानकारी दिए । एकीकृत समाजवादीले अब बन्ने नयाँ गठबन्धनलाई समर्थन नगर्ने निर्णय पनि गरेको छ...

सिरहा – सिरहा र सप्तरीको सिमानामा बग्ने बलान नदीको बस्तीमा पस्ने गरेको छ । चुरे मूल भएको यो नदीमा सर्रे, खुट्टी र मुतनी, झिझिर, चहकालगाएतका सानाठूला खोला मिसिन्छन् । वर्षातमा नदी आसपासका सिरहा र सप्तरीका कयौँ बस्ती डुबानमा पर्ने गरेका छन् । “जमिनको लालपुर्जा छ, तर जमिन छैन । दशकौँदेखि गरिखाने जमिन बाढीले बगायो”, लहान नगरपालिका—२३ बसनपुरका गङ्गाप्रसाद यादवले भने । यादवको करिब १५ वर्षअघिसम्म तीन बिघा खेत थियो । बलान नदीले उर्वर जमिन बर्सेनि कटान गरेपछि अहिले उनको बिचल्ली भएको छ । आठ कठ्ठा आँपको बगैँचा रहेको जग्गा पछिल्लो दुई दिनमा बाढीले कटान गर्यो । बाढीले जग्गा कटान...

काठमाडौँ – नेपाल राष्ट्र बैंकका गभर्नर महाप्रसाद अधिकारीले मुलुकको समग्र अर्थतन्त्रलाई स्थायित्व दिने गरी आगामी आर्थिक वर्षको मौद्रिक नीति ल्याइने बताएका छन् । बिहीबार काठमाडौंमा आयोजित एक कार्यक्रममा अधिकारीले सरकारले लिएको आर्थिक वृद्धि हासिल हुने, वित्तीय क्षेत्रलाई चलाउन बनाउने तथा समग्र अर्थतन्त्रलाई स्थायित्व दिने गरी आगामी आर्थिक वर्षको मौद्रिक नीति ल्याइने बताएका हुन् । बैंकिङ क्षेत्र, बाह्य क्षेत्रलाइ सवल बनाउँदै विदेशी मुद्राको सहज सञ्चिती हुने कुराहरुलाई ध्यान दिदै राष्ट्र बैंकले नीति बनाउने उनले बताए । उनले मौद्रिक नीतिको तयारी अन्तिम चरणमा पुगेको र बैंकर एशोसीयसनसंग छलफल गरेपछि अन्तिम रुप दिने जानकारी दिए । उनले बैंकका ऋण तिर्न नसक्ने अवस्था...

काठमाडौँ – प्रतिनिधिसभाको बैठक कार्यसूचीमा प्रवेश नै नगरी स्थगित गरिएको छ । बिहीबार अपरान्ह बसेको बैठकमा सरकारका तर्फबाट कुनैपनि मन्त्री उपस्थित नभएपछि बैठक कार्यसूचीमा प्रवेश नै नगरी स्थगित गरिएको हो । बैठक सुरु हुनेबितिकै कांग्रेस सांसद रामहरि खतिवडाले बैठकमा सरकारका कुनै पनि मन्त्री उपस्थित नभएको अवस्थामा सदन चल्छ वा चल्दैन भन्दै सभामुखलाई प्रश्न गरेका थिए । संविधान अनुसार विश्वासको मत लिन्छु भन्ने प्रधानमन्त्रीले सदन चलेका बेला प्रधानमन्त्री वा मन्त्रीहरु उपस्थिति हुनुपर्छ भन्ने हेक्का राख्नुपर्ने उहाले बताए । त्यसलगतै सभामुख देवराज घिमिरेले प्रतिनिधिसभाको नियमावली अनुसार बैठकमा मन्त्रीको उपस्थिति अनिवार्य रहेको र बिहीबारको बैठकमा कुनै पनि मन्त्री उपस्थित नभएकाले कार्यसूचीमा रहेका...